藝人陳瀅（Jeannie）備受公司力捧，去年佢喺劇集《痞子殿下》中表現亮眼，更與劇中一班演員成為好友。日前佢就與《痞子》的好拍檔JW、朱敏瀚、周嘉洛，齊齊搭飛機去泰國清邁拍旅遊節目。
Jeannie今日（29日）更喺社交網貼出近照，見佢一邊歎珍寶椰青，一邊欣賞清邁夜景，笑得非常開心。之後Jeannie又換上一套勁似泰國校服嘅短身上衣，去咗大草園打卡之餘，仲去咗山澗漫步，感受濃濃嘅大自然氣息，十足十森林仙子一樣！佢仲穿上泳衣喺泳池游水，唔少網民都跪求水着正面照呀！
Credit: on.cc
