吳業坤（14日）到黃埔出席足球活動，期間坤哥除了獻唱歌曲外，還與機械人、小朋友踢波，又跟觀眾玩遊戲。坤哥笑言跟精力旺盛小朋友踢完波後即刻唔想生仔:「驚自己搞唔掂！」自言同小朋友玩就好開心，但負責湊就是另一回事，所以不知道自己性格是否適合做爸爸，認為還需要磨練。坤哥決定先享受二人世界，努力工作，造人計劃遲些才作打算。
坤哥同TMG完約後，自資經營工作室，他指正籌備新歌，出現許多挑戰。坤哥承認好怕計數：「搞音樂真係樣樣都用錢，原來銀行啲數字可以消失得咁快，舊公司之前可以無限量咁出歌係好犀利，真係多謝公司之前咁支持我，而家自己做真係就住就住。」他坦言做歌的訂金連MV都燒了6位數積蓄，幸有其他工作收入:「唯有自己慳啲，之前打算換車，之後就放棄呢個念頭，實際啲比較好。」坤哥續指，正學習睇數，笑言工作室老闆是老婆，負責收錢:「我就係唯一員工！」惟現時公司赤字，因為啱啱先開始，希望會愈做愈好，稍後坤哥同胡鴻鈞去美加登台，他指老婆也會一起去，工作之後留在當地旅遊，返香港就準備拍攝無綫新劇《枱底人生》。