陳瀅(Jeannie)早前花了約3個月時間， 為拍攝無綫重頭新劇《璀璨之城》，先後到珠海、澳門及香港等地取景，近日終於大功告成，令她感到依依不捨，於社交平台晒出拍攝花絮照及視頻，跟同劇演員高海寧、張曦雯、江美儀及鄭子誠之合照，並留言：「多謝《璀璨之城》台前幕後，讓我度過了愉快的3個月。」
陳瀅表示今次拍攝異常順利，滿足感很高：「入行咁耐未試過幾個地方走來走去咁開工，交通時間長咗啲，但係開心嘅。（你同張曦雯攬頭攬頸好friend喎。）我哋拍另一套戲《臥底嬌娃》時已經做咗好朋友，反而今次冇乜對手戲，只係喺片場見面傾到幾句。」但她透露今次與張智霖及高海寧對戲比較多，與二人溝通不錯，總算過足戲癮。