黃宗澤（Bosco）憑在無綫劇集《新聞女王2》飾演唯利是圖的新聞台高層古肇華Kingston成功突圍而出，更有份角逐視帝，他獲一眾圈中好友幫忙拍片拉票，氣勢如虹。對於今次演出，他大叫「好爽」之餘，又直言倘若有續集的話，希望將角色調教成「亦正亦邪」，再展演技！
Bosco主演的《新聞2》雖然早已於內地播竣，但結局篇在香港依然錄得22.6點收視，而其飾演的「賤嘴Kingston」形象鮮明，掀起全城熱話。同劇演員高海寧、王敏奕、郭柏妍、陳曉華及袁富華等齊齊拍片撐Bosco爭視帝，而Bosco粉絲則自發製作多款創意宣傳品，包括《新聞女王2》中Kingston的一比一紙牌立像，以及印有其經典表情的「壓力饅頭表情包」，將於12月24日平安夜在旺角街頭派發，為Bosco最後衝刺拉票。而不少網民更戲言若他奪得視帝，要公開「審判」Kingston的毒舌行徑，足見角色塑造極為成功，深入民心。
對於拍檔及粉絲的支持，Bosco坦言相當感動，更一再強調要多謝的名單恕未能一一盡錄。談到今次角色被指賤嘴兼乞人憎，他笑言：「呢個角色係要咁樣先夠過癮，我演得好爽㗎，可以用盡方法去寸人喎，平時一定唔得啦。唔知係咪身邊啲朋友同粉絲氹我，佢哋話好彩呢個角色交到我手，如果由第二個演嘅話，分分鐘畀人打！」