陳山聰前日（25日）在社交平台晒出一家3口與媽媽的合照，原來日前他媽媽迎來80歲大壽，故特意舉辦壽宴慶生，廿四孝兒子山聰寫道：「親愛的母親大人，福如東海、壽比南山、五福臨門、兒孫滿堂、身體健康、開開心心！love u mum，感謝所有嘅親朋戚友蒞臨。」
從相中可見，陳媽媽雖已年屆80，但仍精神奕奕，打扮亦相當有貴氣，而山聰囝囝陳霆軒（Jaco）不但即場表演舞獅同嫲嫲賀壽，又跟山聰一同合唱《Para Para Sakura》，再獨唱《愛在記憶中找你》，小奶音相當可愛，更為嫲嫲獻上一吻，相信嫲嫲甜到入心，今次陳媽媽的大壽除了親友們出席外，山聰的圈中好友如黃浩然、林子善與郭政鴻都有現身到賀，郭政鴻更攜同兩個女兒一同出席。
山聰說:「十年前媽媽七十歲壽宴時，因為我未結婚，仲未有Jaco，所有唱歌同舞獅都係由我做，今次八十歲壽宴，就由嫲嫲最錫嘅孫Jaco負責晒所有嘅表演環節，Jaco係嫲嫲最得寵嘅孫，所以嫲嫲好開心。」