關嘉敏（Carman）在無綫戀綜節目《女神配對計劃》中，雖然配對失敗，未能跟心儀的姜卓文（細John）及另一位求愛勇者黃家俊（Matthew）配成一對，但節目外，Matthew對Carmen仍然瘋狂追求不停出招，似乎亦打動了Carmen，繼Carman承認跟Matthew「了解中」後，原來兩人已發展到可見家長地步。
日前Carman在網上直播中，被參加《女》節目的求愛勇者律師Matt邀約和其他「女神」於中秋見面，期間Carman叫爸爸入鏡，結果關爸爸就成為被追問目標，問對「女兒未來男友」Matthew的睇法時，關爸爸開綠燈大讚Matthew不錯，更大方謂不介意和Matthew見面，令Carman以笑遮醜。其實Matthew亦屬於筍盤，曾任職平面模特兒拍過紅隧廣告外，家族經營裝修及冷氣工程等生意，在澳洲讀大學擁有商學士學位，畢業後任職核數師，現時已是融資公司的高級管理層。