陳瀅今日（26日）出席青衣街市活動，她表示平時都有到街市買餸下廚的習慣，因為價錢比超市便宜，至於會否煮給別人品嚐？她說：「身邊男女朋友都有試過，都多人讚，不過人人食完飯沒有幫手洗碗，自己又冇工人姐姐幫忙，所以每次都頭痕，朋友錢又唔俾、碗又唔洗！」陳瀅表示家中有好多人出出入入，朋友駕車到她家，都只是食飯。至於近日的金髮造型，她表示是新劇《璀璨之城》的造型，而劇中她將與張智霖有感情戲，問到可擔心「靚靚」袁詠儀監場？她表示不會，因為是兒童級的電視尺度，所以不用擔心！
