林夏薇、陳瀅、陳山聰及林盛斌(Bob)近日到訪馬來西亞雲頂，為當地開設的新型商場宣傳造勢，更趁機舉行粉絲見面會，吸引大批粉絲到場追星，場面墟冚，兩位靚女薇薇與陳瀅不約而同以一身白長裙現身，盡顯仙氣。
見面會上薇薇與山聰先後獻唱，前者清唱馬來西亞取景無綫劇集《單戀雙城》的主題曲《很想討厭你》，山聰則唱出《愛你一萬年》及《海闊天空》，期間不斷比心，走下台與粉絲近距離接觸。至於陳瀅眼見粉絲十分熱情，即場大獻舞技，成功炒熱全場氣氛。
談到今次馬來西亞之旅，陳瀅透露:「我真係好耐冇去過當地，啲粉絲足足等咗我3年。今次粉絲見面會係我哋嘅重聚，大家都好熱情，專程上嚟雲頂一齊玩，我本身好鍾意當地食物，完咗騷第一時間就去『搵食』，好開心食到美味嘅榴槤，當獎勵自己，真係寓工作於娛樂。」
至於山聰對於能夠跟一班兄弟姊妹出埠工作就最開心，他表示：「我哋喺台上唱歌，又同大家玩遊戲。呢個新式商場好適合一家大細去玩，真係可以諗吓遲啲帶囝囝去放暑假。」