關楚耀(Kelvin)、陳庭欣（Toby）、何浩文及魔術師甄澤權今日（30日）於九龍灣出席太興集團活動。近年迷上匹克球運動的Toby，經常會到關楚耀開設的場地打波，關楚耀笑言每星期會起碼見Toby 4、5次，他説：「因為我考咗個教練牌，教親波都見到佢喺隔籬場打波。」他表示跟Toby一起考獲教練資格，對方稍後會再考高一級別。Toby透露考獲教練資格後曾有人找她執教鞭，但因工作關係時間未能配合，坦言考牌純粹為學習當中打波要訣。二人又表示打波可增進友誼，會相約好友打友誼賽，打輸要請對方吃飯。
談到Toby曾抱怨關楚耀未有介紹球館的筍盤男生給她認識，關楚耀笑謂：「基本上佢成日嚟我哋球館打波，所以佢都熟晒所有會員，佢話其實我哋球館有好多高質素嘅會員，哈哈！」Toby則爆關楚耀即將開設新球館，笑言屆時會去「打躉」：「有分店有新會員，到時我會轉場去打躉，睇吓有冇新嘅有質素高級會員！」Toby表示近來除了忙打波，亦要應付工作和拍劇，也不是太心急要結識另一半：「當然如果去佢球場，見到認識下又無妨嘅。」她又叫身邊魔術師甄澤權變個筍盤出來給她，透露對方即將於紅館開魔術騷。甄澤權表示正忙於準備六月紅館騷，坦言場地安全規限多，為附合要求演出上有很多改動，稍後即將閉關。