邵氏新劇《風華背後》正拍攝得如火如荼，日前黃宗澤(Bosco)、蔡少芬(Ada)、鄭希怡（Yumiko）、林愷鈴和譚耀文在尖沙咀一酒店總統套房開工，Bosco於劇中有一位律師前妻，劇組一直保持神秘，未有公開由誰飾演，探班當日Bosco終揭盅，原來今次是Bosco親自欽點，由一直主力拍電影的王丹妮飾演「前妻」一角。
王丹妮入行至今只客串過劇集《那年盛夏我們綻放如花》及迷你劇《苦力》，故今次為《風》劇演出可謂相當驚喜！Bosco自言主要睇中王丹妮的高度夠台型、夠霸氣，他笑謂：「呢個角色唔能夠太柔弱，如果行出嚟唔夠高就死啦!」他還大讚王丹妮除了有電影感，記性亦非常好，透露日前拍了一場法庭戲，需臨時改對白，王丹妮亦可以即背即拍完全冇NG，非常犀利！
Bosco於《風》劇與Ada搭檔，於熱播台慶劇《新聞女王2》就跟佘詩曼（阿佘）鬥嘴鬥戲，演奸角更獲得不少觀眾讚賞，問他會否想憑《新聞2》衝視帝？他則表示：「獎項冇所謂，只要觀眾睇得開心就得喇。」而他每逢開工都會帶備自家湯水分給台前幕後，拍攝當日都有派「木瓜花生雞腳湯，更為Ada準備專屬湯壺，認真細心，Ada亦表示好感動，讚好有心，笑謂拍劇雖然辛苦，但皮膚依然靚全靠Bosco！提到跟Bosco在劇中自小一起長大，情同「兄弟」般，Ada笑言本來劇本有曖昧情節，但全都被她刪掉，兩人還不約而同認為男女是可以有純友情，Bosco謂：「我自己都有好多異性朋友關係好似兄弟咁，蔡潔都係其中一個，男女唔一定只有愛情嘅。」