蔡少芬(Ada)相隔8年再拍港劇，在邵氏新劇《風華背後》中跟鄭希怡(Yumiko)是死對頭，當日拍攝的戲份是兩人真情剖白，哭訴心聲，結果齊齊喊出真眼淚，大鬥演技，Cut機後眼淚都繼續流，Ada更不停拭淚，受訪時笑言自己是演技派，喊戲冇難度，Yumiko則表示排戲時望着Ada已經好感動，「戲」場十足。
雖然拍喊戲冇難度，但Ada直言今次拍劇壓力很大，特別這場戲前一晚才收到兩頁紙的劇本，擔心到喊驚：「我死背爛背，記唔到，記唔到呀！」Yumiko則整蠱對方說：「Ada講好多對白但又好流利，證明好適合長對白，寫多啲畀佢。」Ada笑罵：「你個口好毒，果然同我唔妥吖！」Ada爆Yumiko劇中有不少性感激情戲，雖然Yumiko指尚未知道，但Ada搞笑續說：「我就長對白，你就性感尤物，各有擔當啦！」