胡鴻鈞（Hubert）與泳兒（Vincy）率領4位出爐《聲秀》冠軍馮熙燮（Ryan）、亞軍柯雨霏（Ophelia）、季軍胡子貝（Matt）及殿軍穎喬（Ziva），為「東港城．miffy星河祈願之旅」擔任揭幕禮嘉賓。
兩位導師親自帶領《聲秀》學員與幸運粉絲組隊，近距離大玩經典遊戲「大電視」，又挑戰反應力動作遊戲「舞蹈教室」，眾人手舞足蹈、比手劃腳，十分落力，Hubert在遊戲後更展現幽默本色，笑稱：「下次要熱定身先可以出活動！好彩我『寶刀未老』，睇嚟可以認真同公司討論吓下一次出歌挑戰跳唱。」話畢粉絲立即報以熱情尖叫。
最後，由Vincy率先獻唱《無糖可樂》和《葉落冰川》，4位《聲秀》準歌手都加入演唱，每人獻唱兩首歌曲。最後由Hubert壓軸送上兩首親自參與作曲作品《凡人不懂愛》和《謝謝你的應援》，6人馬拉松式接力獻唱一小時猶如一場小型演唱會，現場粉絲大飽「耳」福！
作為《聲秀》導師的Hubert笑言今日見到學員有種老懷安慰之感，又透露今日抱恙出席：「因為最近綵排音樂劇，有幾個演員病咗，依家大家都有咗抗體就唔怕之後再病。」他指音樂劇將於12月初演出，現時一星期排足6日，由於今次是他首次演出音樂劇，心情緊張：「要唱歌仲有少少跳舞，音樂劇唱歌同我平時唱流行歌唔同，要有調整，係一個新嘗試，好多謝導演咁有勇氣畀我加入演出，我會比心機，希望唔好拖累大家，因為同劇其他演員都係專業舞台劇演員。」另外，講到其主演的電影《棋拳風暴》將上映，Hubert坦言已是數年前拍攝，見到終於上映大感開心及期待：「我當年要喺好短時間操練成輕量級拳手身形，我都已經盡咗力。（依家仲有冇當年身形？）依家有，但肌肉冬眠咗。」