黃宗澤（Bosco）為無綫拍完新劇《新聞女王2》後，除了要做後期工作外，亦忙於為邵氏新劇《風華背後》拍攝，於內地有不少商演和代言的他，日前又到深圳湘菜食店試菜，穿著橙色衫的Bosco好醒神，吸引不少粉絲到場，所到之處萬人空巷，十分墟冚，他說：「啲嘢都好好食嘅，有辣有唔辣，啲牛肉就真係好新鮮。」問到本身在香港投資餐廳的他，會否計劃到內地開食肆時，他笑謂：「香港都未搞得掂呀！仲喺大陸搞？」日前他出席活動時，坦言餐廳舖位面臨加租，現時正洽談中，否則就要另覓新舖位，Bosco一向是良心僱主，雖然捱過疫情及經濟不景，但他仍然堅守住餐廳，因為他知道有一班員工要養。
此外，昨日有網民於九龍塘偶遇Bosco正為《風華背後》拍攝，不過場口只有他一人，故很快便拍完，談到今次再與汪明荃（阿姐）合作，向來與阿姐關係甚好的他，坦言會照顧對方：「我應承咗會煲湯畀佢飲添呀！今次有阿姐，又有我阿爸John哥（姜大衛），我呢個做仔嘅當然喺現場做佢哋嘅大內總管啦！」