由陳山聰、馬國明、陳展鵬（煎Pan）、江美儀、唐詩詠、劉佩玥、劉穎鏇（Tiffany）等合演的《隱形戰隊》，將於3月6日播映。據知為製作真實感及加強視覺震撼度，不少場面均是荷槍實彈。
對此與監製Jazz（文偉鴻）合作無間的陳山聰，雖自《同盟》開始已建立好打形象，但他表示接拍《隱》至少有兩大挑戰：「特種部隊戲我係第一次演，仲要係反恐，無論造型、身形要求都嚴格好多，包括揸槍。
山聰為演出做足功課，在首輪官方宣傳片曝光的「一人搶兩槍」神技，山聰單是事前反覆練習已花了2個月時間：「真正拍嘅時候，都NG咗好多次，我都不斷要求Retake，咁努力都係想帶刺激感畀觀眾。」除了苦練槍法，山聰又花3個月時間健身：「今次係我有史以來最大隻。」
山聰讚日日一齊操Gym的劉穎鏇進步神速：「其實我同Tiffany同一間Gym嘅，所以變咗嗰時開始，我哋已經日日都見，佢今次真係更加進步。」
在劇中飾演CTRU Commander，山聰對此笑言私下在家中也是Commander：「我呢個阿頭日日都喺屋企落order，因為係得我嗌得Jaco（陳山聰兒子）聽，所以現實生活我爸爸呢個角色都係Commander嚟。」