無線娛樂新聞台報導：TVB尋訪節目《回家》呢集吳業坤（坤哥）擔任嘉賓，跟隨坤哥重遊黃大仙橫頭磡邨，尋找成長足跡，呢日坤哥去到熟識嘅理髮店整頭髮，又去每日放學必到做功課嘅社區中心，重拾兒時快樂記憶，跟現場小朋友傾偈玩遊戲。
坤哥之前跟兒時玩伴一齊去Working Holiday，大家20年冇見都可以重遇，覺得緣份好得意，坤哥由8歲至今都係住喺呢區，對周邊環境好熟，為咗拍今次節目，坤哥喺兒時蒲點，舉行籃球場音樂會，演出前幾日，佢親身派發傳單，最終吸引一班街坊來捧場，坤哥更帶吳媽媽與舊街坊重聚，場面溫馨又熱鬧。