港姐出身的樊亦敏自2012年重返TVB後，一直備受重用，劇接劇的她幾乎做到無停手，至於選擇續約，樊亦敏就透露：「多謝大家關心，公司畀嘅條件都好好。（有加人工？）有有有，但合約要保密唔可以透露太多。」除了會繼續《愛．回家之開心速遞》的拍攝之外，近日樊亦敏亦與鄭則仕（Kent哥）一同演出新劇《神耆小子》，更擔正做女一，樊亦敏透露與Kent哥拍得非常開心：「Kent哥好似大細路，所以大家拍得都好開心，都學到好多嘢同秘訣。」至於拍攝《神耆小子》後會否稍作休息，一向勤力的她就表示：「唔會呀，有工就開，因為仲有好多角色想嘗試。」至於年尾的頒獎禮會否信心大增，樊亦敏就稱：「唔諗啦，做好自己，都多謝公司畀機會，做好本份。」
Credit: HK01