由陳山聰、梁烈唯、林盛斌主演及投資的賀歲電影《媽媽又要嫁》在馬來西亞票房不俗，已突破400萬馬來西亞令吉（約800萬港元）。農曆新年兩度到當地落力跑宣傳的山聰如釋重負，終於可以在酒店游水曬太陽輕鬆一下，他在社交網公布好消息，並Po游水短片：「終於可以游水啦😆突破400萬票房真係唔簡單💪🏽真係感謝所有入場支持我哋《媽媽又要嫁》嘅每一位💜就算宣傳到個喉嚨爛咗都係值得嘅😆能唔能夠繼續係第三個星期上映就靠你哋喇🙏吸引力法則全力展開，有冇人想睇美少女清潔公司係KL，市中心唱歌跳舞先😏 想就調多啲親戚朋友入場支持我哋套電影啦😘」
片中只見Fit爆的山聰游往池邊，好興奮咁對住鏡頭講，因為之前做宣傳太用力，以致聲沙沙：「終於過400萬，多謝入場支持嘅觀眾，雖然有好多唔完美嘅地方，經過今次多加檢討，希望下次再拍好睇嘅戲畀大家！」