藝人蔡潔與王敏奕到天水圍為台慶劇《新聞女王2》宣傳，蔡潔憑另一劇集《執法者們》在台慶頒獎禮與佘詩曼爭視后，但她則預早宣布「投降」，直言攞獎機會相當微，自己也會投「Man姐」佘詩曼一票。
蔡潔講到她主演翻拍自經典劇集《我和殭屍有個約會》，原本是電影的《驅魔龍族馬小玲》，但上映時則由電影變成網大於內地平台播出，問到可會感到可惜﹖她則說：「其實喺邊個平台播出我哋都唔會過問，一開始大家接到嘅格式係電影嘅長度，自己會當係電影咁拍。對我嚟講冇乜所謂，唔會覺得特別可惜，我諗發行有佢哋自己嘅考量，最緊要成品出咗嚟，愈多觀眾睇到愈好。」