關嘉敏Carman到荃灣出席《愛我請留言世代共蠒2025慈善音樂會》，她表示會上台獻唱，演出期間身旁會同時上演舞台劇：「好似拍MV咁，幾特別。（你本身歌手出身，個夢仲喺度？）仍然係嗰個初心，一直都想做返歌手身份！」她坦言想出歌，但因工作關係不時要到處去，很難有時間去籌備：「交畀個天，覺得呢個時候佢都仲未想我出歌。（想出Pool先定出歌先？）點解唔可以兩個同時進行？出咗Pool之後搵埋個男仔做我MV男主角，一舉兩得，又慳返一筆！」
提到可找細John（姜卓文）當男主角，Carman也覺得對方合適，自己亦看過對方的MV，覺得拍得很好歌也好聽，又透露自己希望能挑戰寫Rap，提議她亦可找細John一起合作，她即笑指大家似乎很想撮合他們二人：「你哋都幾好，幫我鋪路！」
Carman透露稍後將會在《歡樂滿東華》跟黃家俊（Matthew）合唱，更大爆對方唱歌很有特色：「佢好似一個主席，我有條聲，唔知畀唔畀播，哈哈！其實我都想重現返呢個經典場面，所以好期待佢唱歌！（刺激善款數字？）冇錯，真係好刺激！」