無綫戀愛綜藝真人騷《女神配對計劃》播映以來叫好又叫座，成功在網絡上製造不少話題，昨晚播出的第10集，五位女神需根據製作組派發的指定「情況」、交戲考驗同組求愛勇者的臨場反應，而關嘉敏（Carman）的題目是「假如愛犬Two Two出事」，當Carman聲稱愛犬出事兼哭成淚人後，當時同組的劉啟進（Matt）負責搞Gag嘗試舒緩Carman情緒，林澤謙（Him）索性企起身為Carman抹眼淚，二人又不斷安撫關嘉敏：「你要冷靜啲，如果連你都好唔冷靜，咁就會冇人幫到佢」、「使唔使睇吓佢先？」表現溫柔。
原本已被調走的黃家俊（Matthew），眼見自己女神Carman出事，即跨組慰問兼主動幫Carman聯絡獸醫朋友詢問意見，三位勇者更夾手夾腳請求監製放人讓Carman探望愛犬，Matthew最後還陪Carman執拾細軟準備離開！反而原本Carman與同組的姜卓文（細John）卻全程對Carman置之不理，結果Carman忍不住直認失望：「Matthew好可靠、反而我又再一次失望喇，細John佢冇行過嚟。」但原來細John雖然全程忙著在火爐邊生火，但由於眼見李芷晴、梁敏巧及Carman差不多同一時間出事，明白是製作組搞鬼，故才決定繼續生火。
在整件事過程中，Carman全程相當入戲，不但哭至雙眼通紅，而且還無助得像個小孩，有網民留言明知是假的也看至很心痛：「睇到 Carman你喊，我都睇到眼濕濕，好觸動…就算今次係做戲，但好真情流露」、「Carman超好戲！真係睇到我都想喊！！好犀利」。
事後Carman在IG「賽後檢討」，自嘲當日百忙之中沒有管理好手提的屏幕顯示，以致接電話時出現極大穿崩位。此甫一出，「受騙者」之一的Matt即搞笑tag阿謙兼留言：「我哋要驗眼。」相當搞笑。下月8日將會以《女神配對計劃 終極抉擇》一連五晚將於晚上10點半時段播出。