3大視帝黃宗澤（Bosco）、馬國明與陳豪昨晚（25日）聯同蔡潔及陳瀅等出席《執法者們》大結局晚宴，期間所有演員都表示期望能原班人馬開拍續集，身為該劇總監製之樂易玲承諾會認真考慮，因為能集合原班人馬絕對不容易。
Bosco跟蔡潔一同接受訪問，透露與蔡潔將於新劇《風華背後》中第9次合作，並透露首次演律師角色，笑言終於不用打，但由於有大量專業用語，加上對白頗長，要想辦法記對白，又指看過劇本後知道蔡潔有被摸戲份，但自己卻冇份摸，笑言有點嬲。蔡潔則表示未看劇本，故不知道有被摸劇情。
另談到Bosco在馬來西亞被拍得跟女生欣賞G-Dragon演唱會，他笑謂：「淨係框住影我哋，邊有人咁蠢帶女仔睇演唱會？」他指現場觀眾過萬，當中起碼有7千女生：「我哋係十幾個朋友去睇，因為識主辦方，嗰個女仔係普通朋友。」問到蔡潔是否滿意Bosco的解釋？她笑言「關我咩事？」Bosco即爆蔡潔傳短訊給他，質問為何帶戴祖儀睇騷：「佢話同戴祖儀睇騷，都唔同我睇。」蔡潔解釋身邊朋友覺得那女生很像戴祖儀，自己也認同，Bosco即說：「如果係蔡潔會好啲嘅。」他笑指若將來有女友，會帶對方欣賞安靜的演唱會：「係睇Kenny.G，而唔係G-Dragon。（若女友喜歡G-Dragon？）咪買張飛佢自己去睇囉！」他形容當日G-Dragon演唱會場面墟冚如盛事，問他入場前可有練定舞？他一本正經地說：「樂壇同舞壇都唔屬於我，我都係返嚟影壇，嗰啲交番畀林峯，搞番張櫈。」