原文：https://skypost.ulifestyle.com.hk/article/2714876/《Tiger’s%20talk》高海寧談性事拒答嗌高層求救%20Bob反被質問嫖妓尷尬語塞
最新一集《Tiger`s Talk》請來劇集《殺手》嘅四位女演員江美儀、李佳芯、高海寧和龔嘉欣講女人心底話，呢除咗大談對小三、嫖妓嘅睇法，仲有講兩「性」關係，話題夠晒大膽。當中Bob （林盛斌）狂被幾個女人追問有冇試過嫖妓，場面非常搞笑！
(圖片：影片截圖)
談論到「寧願另一半嫖妓抑或是擁有小三」時，Bob問到幾位女嘉賓覺得邊樣難以接受時，高海寧即反問：「呢個問題，你有冇問過你太太？」而Bob就表示：「梗係問過，如果一定要二選一，佢話情願我嫖妓，多過有小三。」而幾位女嘉賓唔放過Bob，七嘴八舌繼續追問：「咁你有冇叫過？」場面一度好嘈吵，搞到Bob忍唔住咆哮：「係我問緊你哋呀！」認真搞笑！
(圖片：影片截圖)
(圖片：影片截圖)
江美儀於《殺手》飾演一名性工作者，需要接待唔同客人，佢轉換另一個方向問Bob：「你覺得我喺劇入面嘅設置逼唔逼真？」而Bob答：「好真。」美儀笑指：「咁你即係去過啦。」Bob哭笑不得，表示：「以前做嘢時去過嘅。」
(圖片：影片截圖)
李佳芯談及到與男友陳炳銓相戀6年，兩人彼此關係一直係細水長流，更稱「從來冇激情過」，佢話：「我鍾意好似朋友咁，激情可以好快同任何人發生，但只係一剎那。」。而伍詠薇就表示：「婚都未結，仔又未生，就冇激情，不過如果另一半同自己係同一類人，其實係ok。」Bob即時亂入講笑：「如果你另一半係我，你會好忙，知唔知？」即時被全場女性「圍攻」：「點會唔知，你生四個。」伍詠薇説：「你睇吓你啲小朋友幾歲？成日搞到老婆個肚變大，你又唔係輕磅。」Bob笑住解釋：「每個都相隔三年架，我老婆都唔輕㗎」之後又開玩笑，自豪地説：「我就係咁多年淨係做咗四次，四次都中咗。」Bob係圈中出名的「多仔公」，同太太黃乙頤（Pearl）於2007年結婚，其後生完一個又一個，共育有三女一仔，一家六口係個大家庭。
(圖片：影片截圖)
其後伍穎薇與Bob又問到幾位女藝人，進行「性事」時最大膽刺激嘅地方係何處時，高海寧即尷尬：「點答呀大佬。」更望向遠處大嗌：「樂小姐」跟樂易玲求救。
高海寧講笑要搵律師(圖片：影片截圖)
撰文：羅慧怡 責任編輯：楊安莉