林夏薇（薇薇）、黃嘉樂和莊鍶敏等現身電視城，出席劇集《法言人》結局篇宣傳。昨晚劇情終於推進到薇薇與馬國明墮愛河，惟網民卻嫌他們「定情之吻」只錫額頭，薇薇解釋：「因為劇情交代我哋做咗咁多年老友嘛，如果一嚟就錫咀好尷尬，大家唔使急嘅。（即係嚟緊有接吻嘅？）係啦。」
談到她於社交平台晒出與韓星李東旭合照，薇薇透露：「我老公同啲生意拍檔食飯，佢咁啱都在場。佢素顏現身，皮膚都好好，而且係我好欣賞嘅演員之一，我由《My Girl》開始就不停追佢嘅劇。（有冇叫佢睇《法言人》？）我有即刻畀啲片段佢睇，雖然佢唔識廣東話，但竟然知道我喺度打離婚官司。」
Credit: on.cc