黃宗澤、胡定欣和王浩信繼2013年《貓屎媽媽》後，相隔10年再於《廉政狙擊》合作，劇中三人是兒時好友，叫三人講吓舊史包括初戀，估佢哋唔到表現雀躍，更首度親畫初戀對象，爆笑之餘仲好鬼嘈。
Bosco在現實中都有類似《廉》中的「五茶煲」友情，「初中時一齊長大嘅五個同學，到𠵱家都好好兄弟，我哋個group都係寫五兄弟，所以會有啲共鳴。」
而浩信和定欣就認為「五茶煲」跟他們在TVB一齊大的感情很相似，演繹時好易投入。
浩信說：「我哋五個人嘅關係都差唔多10幾20年，足夠投入角色。」
定欣跟好姊妹黃智雯真實相處的感覺亦放到演繹上，「我同智雯成為好朋友後今次第一次合作，好珍惜呢個機會，有場講同我相認攬住我，好有感覺，最難係隱藏我嘅情緒，佢出現感情問題我畀意見，雖然現實佢唔需要我咁做，但嗰種對談就好似現實中智雯同定欣，好情深傾偈嘅感覺。」
Credit: stheadline