周嘉洛、陳瀅、朱敏瀚（朱仔）和JW王灝兒繼《痞子殿下》後，再度合作《痞子無間道》，劇集日前正式煞科，前晚劇組舉行煞科宴。四位好拍檔再次聚首，並預告將到泰國清邁拍攝旅遊真人騷，朱仔大爆跟JW未出發先嘈交，嘉洛更自嘲是遲到王，看來有很多火花。
嘉洛即將與陳瀅、朱敏瀚和JW王灝兒一同到清邁拍攝旅遊真人騷，他笑指騷肌任務交給「肌肉擔當」朱仔，自言太保守不只僅穿泳褲出鏡。四人首次出埠開工，會否擔心有爭執？嘉洛笑謂︰「我個人咁大量，點會同佢哋有嗌霎，（有機會因為集合遲到嘈交？）仲唔係我？其實我都係瞓耐少少啫，睡眠時間好珍貴嘅。」
至於陳瀅臉頰及身形明消瘦不少，她稱磅數沒有減少，但最後兩周拍攝的確十分辛苦，提到將與三位拍檔出發拍攝真人騷，陳瀅就十分期待，會否水着亮相？她表示︰「JW着我咪着囉，如果有水上運動可以，但着三點式就咁攤喺度就唔好喇，不過JW好似都唔想着泳衣。」
Credit: skypost