胡定欣上月在社交網宣布與醫生陳健華在新西蘭完婚，返港後頻頻跟好友食飯分享喜悅，早前就跟兩位媒人林盛斌（Bob）與洪永城食飯，昨日在社交網分享飯敍的照片，見大家攬住合照，笑得非常開心！Bob寫道：「幾年前，我記得我同你講過：『阿定，我會努力幫你搵一個好嘅另一半！』我仲好firm咁話，我講得出，一定會做到。恭喜陳醫生，恭喜陳醫生夫人，多謝你哋餐飯，多謝你哋嘅驚喜禮物。好高興嘅一個晚上，傾到癲咗，食到癲咗，期待咗呢個飯局好耐，終於搞得成。祝你哋幸福快樂，開開心心，甜蜜美滿。」他能講得出做得到，不愧為金牌媒人，連胡杏兒都留言：「至叻係你啦，繼續做嘢。」宋熙年亦讚他是「最佳媒人」。而胡定欣則回應：「冇人比你更緊張我嘅姻緣。」Bob說：「我呢啲行動派係緊張啲㗎啦！」
至於洪永城亦在社交平台Po出多張照片，其中一張合照見他與Bob豎起拇指跟陳健華合照，他寫道：「Mission completed!介紹完，依家婚都結埋，食埋慶祝飯啊，下一步做啲咩？打網球啦mixed double，而老婆就要滑雪，識做啦。恭喜晒陳生陳太。」Bob的太太黃乙頤留言：「好開心嘅慶祝飯，希望下次可以聽到你唱完整一首嘅一生愛你一個。」洪永城回覆：「阿嫂唔好玩我啦。」洪永城太太梁諾妍則心急計劃下一個旅程，留言：「快啲plan下年Snowboard trip」。
之後就輪到好姊妹楊秀惠，她定欣在社交網晒出跟楊秀惠的合照，並感性表示：「多謝你今日向我送上深情的祝福和說話，開心當天的『同居蜜友』，今天大家在工作家庭上都找到肯定，過著自己想要的生活，雖然我們各有各忙，只要知道大家一切安好就好好。」她最後多謝秀惠，並笑言不能再寫下去，否則又要落淚，楊秀惠留言：「祝你永遠幸福快樂love」定欣也有回應對方：「你都要幸福快樂，我知道一定會。」網民都以心心emoji祝福，其中藝人林子善搞笑留言：「精神呀陳太」，搞到定欣以笑到喊的emoji來回應。