新劇《新聞女王2》將於今晚（10日）在翡翠台播出，主演的「Man姐」佘詩曼（阿佘）和黃宗澤(Bosco)昨日（9日）駕臨《東張西望》，齊齊坐上主播枱為大家主持節目，令觀眾感到驚喜。
《東張西望》一開始，見佘詩曼坐上主播枱C位主持節目，黃宗澤和正主持區永權就坐在她兩側，盡顯「Man姐」新聞女王地位，她說：「歡迎收睇《東張西望》，我係你哋嘅節目主持文慧心」，而黃宗澤就說：「仲有我，新聞總監古肇華」。
隨即阿佘即串對方「其實你今日嚟做咩啫？」黃宗澤則說：「我係高層梗係喺度」阿佘再串他表示「你又唔係主播，其實你喺度睇住我啲咩。」、「你總係要拎個尾彩㗎喎！」由於劇中雙方鬥個你死我活，不時互相「開火」，故佘詩曼和黃宗澤亦以鬥氣方式主持節目，火花四濺。
不過始終首次當《東張》主持難免發生蝦碌，當講到一段新聞有關一家四口為了睇海落去平台位置，該名女士更手抱嬰兒，現場亦非常大浪，非常危險，佘詩曼就表示：「我認為呢個家長作出咗一個好錯誤嘅示範，因為佢呢個行為呢，如果萬一家人有腎...」阿佘即時轉頭向黃宗澤表示：「嗱係咪呢！」，十分搞笑。
黃宗澤同樣出現搞笑事，表示「仲有呀，如果一個拿浪冚埋去」，佘詩曼即時話「咩話一個咩話」，黃宗澤即話「大浪呀」，惹得阿佘立即大笑。至於提及到《新聞女王2》的宣傳，阿佘再攻擊黃宗澤表示「佢都冇嚟宣傳，今日你去咗邊呢？」 ，令到黃宗澤笑不停。
最後區永權問兩位首次做《東張》主播有何感受，佘詩曼搞笑對區永權說「我驚你地位不保」，而黃宗澤則表示「我就覺得幾好玩」。
另外，佘詩曼與黃宗澤亦分別在社交網晒出做《東張》主持的照片，阿佘發文「第一次做「東張西望」主持，過癮！不過一次就夠！哈！今晚8:30「新聞女王2」，我們「文慧心」等你」，黃宗澤則表示「真係人生第一次做東張西望主持，又幾好玩喎！」